0

Read and answer the questions at the end in comments ; (Upper intermediate) try it !

a year ago

إسكندرية عاصمة الجمال

إسكندرية واحدة من أجمل المدن في مصر، وهي موجودة في شمال مصر. كتير من المصريين بيحبوا يزوروها خصوصاً في الصيف عشان الجو بيكون حر قوي في باقي المدن خصوصاً القاهرة والجيزة لكن هي بتكون دايما جوها جميل والبحر بيخلي الجو رطب شوية !. دي ميزة وعيب في نفس الوقت ؛ فالجو بيكون معتدل ومش حر قوي بس هتكون طول الوقت عرقان. بتسافر الأسر المصرية إسكندرية ليوم واحد أو أكتر لحد ممكن اسبوع ،وفي الأسبوع دا بينزلوا البحر وبياكلوا أيس كريم من محلات كتير مشهورة هناك زي "جيلاتي عزة" واللي ليه فروع كتير في كل الكورنيش. التاكسي في إسكندرية من أكتر الحجات المميزة للمدينة؛ عشان لونه المميز مزيج من الأصفر والأسود واللي يشبه تقريبا التاكسي في أسبانيا مع الأختلاف الكبير في موديل العربيات. البحر الأبيض المتوسط هو واحد من بحرين موجودين في مصر والتاني هو البحر الأحمر. لما تروح إسكندرية لازم تاكل هناك سمك طازة وتستمتع بالجو الجميل . معظم الناس اللي بيسافروا إسكندرية من القاهرة أو محافظات تانية بيسافروا بالقطر لأنه رخيص وأمان و الدرجات المميزة منه مميزة جداً بالمقارنة ببلاد تانية. لازم تزوروا مصر عشان تروحوا إسكندرية وتشوفوا أهل أسكندرية وهم لطاف جداً .


egypt
alexandria
egyptian arabic
culture
Questions
  1. 1. تاكسي إسكندرية ألوانه زي التاكسي فين؟
  2. 2. ليه الناس بيسافروا إسكندرية وإمتى؟
  3. 3. اكتبوا اسم محل أيس كريم مشهور في إسكندرية؟
  4. 4. في كام بحر موجودين في مصر ؟ أيه هما؟
  5. 5. لازم تاكل أيه لما تسافر إسكندرية؟

Popular

0
John
FlagEnglish39 minutes ago
Comments: 0Report
pronunciation
accent
british english
rhyme
0
Andrea
FlagItalian2 days ago
Comments: 3Report
italian
saying
culture
grammar
italian lessons
0
John
FlagEnglishA day ago
Comments: 0Report
british english
accent
pronunciation
how to pronounce law
how to pronounce low

Abu Majdi

Flag
(52)
$10.00
USD/h
class
Arabic
globe
Egypt
time
191
Book Lessons